Cŭ-uái dŭ ô sié-nó̤h hō̤ gì ùng-ciŏng? Bō̤-ciéng hō̤ ùng


Guók-cié chiông-gì gì gì

Guók-cié chiông-gì iâ hô̤ lā̤ să̤-iòng-gì, sê siŏh cṳ̄ng lôi iù-hié, diŏh gĭng-dáng guók-cié gà̤-dēng káh-dièu gì nè̤ng iā sâ̤. Guók-cié chiông-gì iù lâng ciáh nè̤ng giàng, siŏh ciáh nè̤ng niĕng băh gì cī, siŏh ciáh nè̤ng niĕng ŭ gì, gì-dṳ̆ng niĕng băh gì diŏh sĕng giàng. Muōi siŏh huŏng gì gì dâi-dŏng dŭ ô 1 lăk guók-uòng, 1 lăk uòng-hâiu, 2 lăk chiông (iâ hô̤ lā̤ gáu-sê̤ṳ), 2 tàu mā (iâ hô̤ lā̤ kiè-sê̤ṳ), 2 lăk gṳ̆ (iâ hô̤ lā̤ siàng-bō̤) gâe̤ng 8 lăk bĭng. Kó̤ páh guók-uòng hô̤ lā̤ ciŏng-gŭng, nâ sê guók-uòng ké̤ṳk nè̤ng ciŏng-gŭng ī-hâiu mò̤-dó̤i-cāu cêu hô̤ lā̤ sák-gì, ké̤ṳk nè̤ng sák-gì gì hī siŏh huŏng cêu suŏ lāu. Nâ sê hŭ-nè̤ng dŭ mò̤ bâing-huák ciŏng dó̤i-huŏng gì guók-uòng tài lâi, cêu hô̤ lā̤ huò-gì. Guók-cié chiông-gì gì gì-buàng sê siŏh cū 8*8 gì huŏng-gák, muōi siŏh ciáh gák-gák gà̤-dēng dŭ dù siông ŭ hĕ̤k-ciā báh gì ngàng-sáik, gâe̤ng găng-biáh gì gák-gák kṳ̆-biék kŭi lì. Guók-cié chiông-gì gì cū-cŭng sê Éng-dôChaturanga. Chaturanga iâ sê siŏh cṳ̄ng gì-lôi iù-hié, gâe̤ng gĭng-dáng guók-cié chiông-gì gì gì-buàng gâe̤ng gì-cī dŭ cêng-kó̤ chiông. Chaturanga chă-bók-dŏ̤ diŏh Sasanid Dá̤-guók guók-uòng Khosrau I câi-ôi gì sèng-âu diòng gáu Pŏ̤-sṳ̆. Ciā guók-uòng dó̤i ùng-hŏk gâe̤ng diék-hŏk gāng-hĭng-ché̤ṳ, iù Éng-dô hŭ-uái dò̤ iā sâ̤ bō̤-gói gì cṳ̆ gáu Pŏ̤-sṳ̆. Éng-dô nè̤ng iâ ciŏng Chaturanga dái gáu ciā guók-uòng hŭ-uái, ĭ giéng-gáe̤k iā ô-mê, ciŏng ciā gì gāi-cô̤ siàng Shatranj dò̤ lì káh-dièu. >>Sié lŏ̤h tĕ̤k...


Nṳ̄ â̤ báik mâ̤? Nṳ̄ â̤ báik mâ̤?


Dŭng-săng Nâi-iŏng găk T-SPOOK 2016 kák gì siōng
  • Diòng-suók ô siŏh-cṳ̄ng có̤ ôi-sĕng sāi gì nó̤h, huăng-giāng sìng-mā â̤ dò̤ kó̤ kià kă-bōng-giâ buŏi, găk nĭk-buōng ĕng siŏh-báh-nièng bô kō̤-ī biéng-có̤ sìng-mìng. Cuòi sê sié-nó̤h?
  • Ĭng-guók gì sióh-nó̤h sĭng-ùng ciŭ-bó̤ â̤ buŏng 8 bĭk bēng-buōng hióng cuòng-giù huák-hèng?
  • Gó-dā̤ Hók-ciŭ-nè̤ng ô cê-gă gì chiū-sié biēu-sê só-cê. Ciŏng-ciŏng có̤ lī?
  • Diê-nè̤ng ké̤ṳk «Cô̤i-áuk Uòng-guăng» (罪惡王冠), «Céng-gék gì Gé̤ṳ-ìng» (進擊其巨人), «KILL la KILL», «Dŭng-liê Giéng-iù-gī» (東離劍遊紀) dēng-dēng dông-uâ có̤ ĭng-ngŏk?
  • Diê-nè̤ng (dù) có̤-sá̤-sá̤ kī cêu găk sĕ̤ng-ngṳ̄ kuàng-gīng diē-sié sĕng-uăk, găk 2018 nièng gó ké̤ṳk «Buâng-ngĭk-séng Báik-uâng Ā-sáik-uòng» (叛逆性百萬亞瑟王) puói-ĭng?
  • Muōi nièng 7 nguŏk gâe̤ng 12 nguŏk gì tàu siŏh lā̤-bái-nĭk, dŭ â̤ có̤ sióh-nó̤h Nĭk-buōng-uâ gì kō̤-cṳ̆?
  • Nṳ̄ â̤ báik Duang cī ciáh Dṳ̆ng-guók uōng-cié-uōng-lô gì sṳ̀-ngṳ̄ sê sié-nó̤h é-sé̤ṳ mâ̤?
  • Ngà̤ Táuk-sĭng găk Dṳ̆ng-guók gáu-huôi lĭk-sṳ̄ diē-sié ô sié-nó̤h dê̤ṳng-iéu é-ngiê?

Tō̤ siŏh tō̤, ô mò̤ nṳ̄ buóh dĭk gì cṳ̆-lâiu? Cê-mō̤ sáuk-īng



Gĭng-dáng diŏh lĭk-sṳ̄ gà̤-lēng huák-sĕng guó sié-nó̤h dâi-gié? Dŏng-nièng gĭng-dáng


Gĭng-dáng sê 2019 nièng 01 nguŏk 13 hô̤, lā̤-bái. (sáuk-sĭng)

1 nguŏk 13 hô̤


    Cék-liông mâ̤ ngài gì dù-piéng Cáuk-gă dù-piéng


    River min and chongseng hill 2.JPG

    Mìng-gĕ̤ngHók-gióng-sēng dék duâi gì ò̤, huák-nguòng diŏh Hók-gióng gâe̤ng Gŏng-să̤ biĕng-gái gì Ū-ì-săng-măh, hióng dĕ̤ng-nàng làu diē Dĕ̤ng-hāi. Gáng-làu dòng 577 gŭng-lī, làu-mĭk miêng-cék 60,992 bìng-huŏng gŭng-lī, mū-liŏh iéng Hók-gióng ciòng sēng miêng-cék gì 50% ī-siông. Nàng-bìng cĭ gèng sê siông-iù, Nàng-bìng gáu Kŭ-chèng Cūi-kāu sê dṳ̆ng-iù, Cūi-kāu â-dā̤ sê hâ-iù. Mìng-gĕ̤ng ô cêng sâ̤ ciĕ-làu, cūi-liông hŭng-hó, bìng-gĭng làu-liông sê 1,980 lĭk-huŏng-mī/miēu, làu-mĭk miêng-cék găk Dṳ̆ng-guók ciō-iéu gĕ̤ng-ò̤ dâi-dŏng bà̤ dâ̤ 12 ôi, nièng bìng-gĭng làu-liông bà̤ ciòng-guók dâ̤ 7 ôi. Uòng-ò̤ gì làu-mĭk miêng-cék bī Mìng-gĕ̤ng duâi 11 buôi, bók-guó cūi-liông nâ sê ĭ gì 92%.


    īng kî-thaⁿ gí-giân khoàⁿ